Published On: Wed, Jul 10th, 2013

کینیڈا: طوفان سے تین لاکھ افراد بجلی سے محروم

Share This
Tags

130709055848_canada_rainstorm_304x171(بی بی سی نیو ز)

کینیڈا میں حکام کے مطابق ٹورنٹو میں آنے والی شدید طوفانی بارش سے تقربیاً تین لاکھ افراد بجلی سے محروم ہو گئے ہیں۔
حکام کے مطابق پیر کی رات ٹورنٹو میں 90 ملی میٹر سے زیادہ بارش ریکارڈ کی گئی جس نے شہر میں مواصلات کے نظام کو بری طرح متاثر کیا۔
طوفانی بارش نے ٹورنٹو کی بڑی شاہراؤں اور زیرِ زمین سٹیشنز پر ریل اور ٹریفک کے نظام کو بھی متاثر کیا۔
بارش کے پانی کی وجہ سے ٹرین کے سینکڑوں مسافر کئی گھنٹے پھنسے رہے اور انھیں پولیس کی کشتیوں کے ذریعے نکالا گیا۔
بارش سے ابھی تک کسی شخص کے زخمی ہونے کی فوری اطلاع نہیں ہے۔
رچمنڈ ہل نامی کوچ میں آنے والے پانی کی سطح اس حد تک بڑھ گئی کہ مسافروں کو کوچ کے بالائی حصے کی جانب بھاگنا پڑا۔
ادھر پورٹر ایئر لائن نے موسم کی خراب صورتِ حال کی وجہ سے ٹورنٹو آنے اور جانے والی فلائٹس کو منسوخ کر دیا۔
ٹورنٹو کے مئیر باب فورڈ نے سی بی سی ریڈیو کو بتایا کہ ہم نے بارش کے نتیجے میں آنے والے طوفان کے نقصان سے نمٹنے کے لیے تمام اقدامات کر لیے ہیں۔

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>