Published On: Tue, Sep 3rd, 2013

برطانیہ: شام کے خلاف کارروائی کی تحریک مسترد

6DD50F81-FC7D-449E-9D9C-7BBBEC69D7C3_w640_r1_sوائٹ ہاؤس کا کہنا ہے کہ امریکہ برطانیہ سے مشاورت کا عمل جاری رکھے گا، اور یہ کہ صدر براک اوباما امریکہ کے بہترین مفاد میں اقدام کریں گے

واشنگٹن — اگر امریکہ کیمیائی ہتھیاروں کے استعمال کے معاملے پر شام کے خلاف کوئی فوجی کارروائی کرتا ہے، تو اُس کا انتہائی قریبی اتحادی اُس کے ساتھ نہیں ہو گا۔

برطانیہ کے ایوانِ زیریں میں برطانوی وزیر اعظم ڈیوڈ کیمرون کو اُس وقت دھچکا لگا جب حکومت کی طرف سے شام کے خلاف ممکنہ فوجی کارروائی پر پارلیمان میں پیش کردہ تحریک ایوان میں مسترد ہو گئی۔

ووٹ پر عمل درآمد ضروری نہیں، تاہم مسٹر کیمرون نے کہا کہ وہ نتائج کی پاسداری کریں گے۔

جمعرات کے روز اُنھوں نے فوجی کارروائی کی اپیل کرتے ہوئے مخالفین سے کہا کہ، یہ شام کے معاملے پر فریق بننے یا حکومت کو ہٹانے کی کوشش کا معاملہ نہیں ہے، بلکہ جنگی جرائم پر ضروری قدم اٹھانے کا سوال ہے۔

وائٹ ہاؤس کا کہنا ہے کہ امریکہ برطانیہ سے مشاورت کا عمل جاری رکھے گا، اور یہ کہ صدر براک اوباما امریکہ کے بہترین مفاد میں اقدام کریں گے۔

پیرس میں، فرانسسی صدر فرانسواں ہولاں نے کہا ہے کہ اُن کا ملک اُن کو سزا دینے کے لیے تیار ہے، جنھوں نے کیمیائی ہتھیار استعمال کیے۔

تاہم، اُنھوں نے یہ نہیں کہا، آیا کسی کارروائی میں فرانس امریکہ کے ساتھ شریک ہوگا۔

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>