Published On: Tue, Jul 23rd, 2013

تخت برطانیہ کے تیسرے ولی عہد کی پیدائش

Share This
Tags

130713025729_william_kate_304x171_d_nocredit(بی بی سی نیو ز)

برطانوی شاہی خاندان کی جانب سے بتایا گیا ہے کہ شہزادہ ولیم کی اہلیہ ڈچز آف کیمبرج کیٹ میڈلٹن کے بیٹا پیدا ہوا ہے۔
شاہی جوڑے کے ہاں ہونے والی اس پہلی اولاد کی جنس معلوم نہیں تھا۔ شاہی وراثت کے قانون میں تبدیلی کے بعد اب یہ بیٹا برطانوی تخت کے دعویداروں کی فہرست میں تیسرے نمبر پر ہوگا۔
شہزادہ ولیم کی اہلیہ ڈچز آف کیمبرج کیٹ میڈلٹن کے ہاں بیٹے کی پیدائش کا اعلان بکنگھم پیلس کے باہر ایک بلیٹن آویزاں کر کے کیا گیا۔
شاہی خاندان کی جانب سے کہا گیا ہے کہ بیٹے کا وزن آٹھ پاؤنڈ اور چھ اونس ہے۔
بکنگھم پیلس کے مطابق ملکہ برطانیہ بیٹے کی پیدائش پر بہت خوش ہیں۔
کینزنگٹن پیلس کی جانب سے جاری کردہ بلیٹن میں کہا گیا ہے ’پیدائش کے وقت شہزادہ ولیم اپنی اہلیہ ڈچز آف کیمبرج کیٹ میڈلٹن کے ہمراہ تھے۔ ڈچز آف کیمبرج اور بیٹا دونوں خیریت سے ہیں اور وہ رات ہسپتال ہی میں رہیں گے۔‘
برطانوی وزیر اعظم ڈیوڈ کیمرون نے بھی شاہی جوڑے کو بیٹے کی پیدائش پر مبارکباد دی۔
اس سے قبل کیٹ میڈلٹن کینزنگٹن پیلس کے مطابق ابتدائی درد زہ کی حالت کے بعد پیڈنگٹن کے علاقے میں واقع سینٹ میریز ہسپتال منتقل کیا گیا تھا۔
کیٹ کو بذریعہ کار ہسپتال لے جایا گیا اور اس موقع پر شہزادہ ولیم بھی ان کے ہمراہ تھے۔
کیتھرین نے سینٹ میریز ہسپتال کے اسی ’لنڈو ونگ‘ میں اپنی اولاد کو جنم دیا جہاں خود ان کے شوہر شہزادہ ولیم اور ان کے بھائی شہزادہ ہیری پیدا ہوئے تھے۔
اس موقع پر ہسپتال کے اردگرد سخت حفاظتی انتظامات بھی کیے گئے ہیں اور جس وارڈ میں شہزادی کو رکھا گیا ہے اس کے داخلی دروازے پر بھی دو پولیس اہلکار تعینات ہیں۔
بی بی سی کے نامہ نگار نک وچیل کا کہنا ہے کہ دنیا بھر کے صحافی کئی ہفتوں سے سینٹ میریز ہسپتال کے باہر ڈیرہ ڈالے ہوئے ہیں۔
پرنس ولیم دو ہفتے کی چھٹی پر اپنی اہلیہ کیٹ کے ساتھ ہیں۔ ان دونوں کی شادی اپریل 2011 میں ہوئی تھی۔

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>