Published On: Fri, Sep 13th, 2013

ووائجر-1 نظامِ شمسی سے باہر جانے والی پہلی انسانی تخلیق

Science & Technology01آج ناسا کا یہ جہاز زمین سے تقریباً 19 ارب کلو میٹر کے فاصلے پر ہے
امریکہ کے خلائی ادارے ناسا کا وواہئجر-1 خلائی جہاز انسان کی بنائی ہوئی وہ پہلی چیز ہے جو نظامِ شمسی سے باہر نکل گئی ہے۔
سائنسدانوں کا کہنا ہے کہ وواہئجر کے آلات سے ملنے والی اطلاعات سے معلوم ہوتا ہے کہ وہ ہمارے سورج کے مدار سے نکل چکی ہے اور وہ اب ستاروں کے درمیان خلا میں گھو رہی ہے۔
وواہئجر-1 کو 1977 میں ابتدائی طور پر نظامِ شمسی کے دیگر سیاروں کے مطالعے کے لیے بھیجا گیا تھا لیکن یہ آگے چلتا ہی گیا۔
آج ناسا کا یہ خلائی جہاز زمین سے تقریباً 19 ارب کلومیٹر کے فاصلے پر ہے۔
یہ فاصلہ انتا زیادہ ہے کہ اب وواہئجر سے بھیجے گئے ریڈیو سنگنل زمین پر لگے ریسیورز تک سترہ گھنٹوں میں پہنچتے ہیں۔
اس مشن کے سربراہ سائنسدان ایڈ سٹون نے کہا کہ ’یہ واقعی ایک اہم سنگِ میل ہے جس کی ہم نے چالیس سال پہلے اس پراجیکٹ کو شروع کرتے ہوئے امید کی تھی۔ ہمیں امید تھی کہ ہم ستاروں کے درمیان خلا میں خلائی جہاز کو پہنچائیں گے۔‘
انھوں نے بی بی سی کو بتایا کہ ’یہ سائنسی اور تاریخی اعتبار سے ایک بہت ہی اہم سنگِ میل ہے جس طرح انسان نے پہلی دفعہ زمین پر قدم رکھا تھا۔ یہ پہلی دفعہ ہے کہ ہم نے ستاروں کے درمیان خلا کو دریافت کرنا شروع کر دیا ہے۔‘
جب وواہئجر-1 کی ٹیم نے خلائی جہاز پر موجود آلات سے ملنے والی معلومات اور نئے ڈیٹا کا تجزیہ کیا تو انھیں معلوم ہوا کہ وواہئجر 25 اگست 2012 کو یا اس تاریخ کے قریب نظامِ شمسی سے باہر نکلا ہے۔
وواہئجر کے متعلق ان تمام معلومات کو سائنس نامی جریدے میں شائع کیا گیا ہے۔
وواہئجر-1 چالیس ہزار سال تک کسی دوسرے سیارہ تک نہیں پہنچے گا حالانکہ یہ 45 کلو میٹر فی سیکنڈ کی رفتار سے سفر کر رہا ہے۔
پرفیسر ایڈ سٹون کا کہنا ہے کہ ’وواہئجر-1 ہمارے کہکشاں کے مرکز میں ستاروں کے درمیان اربوں سالوں تک رہے گا۔‘

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>