Published On: Mon, Aug 12th, 2013

دہشتگردی ختم نہیں ہوسکتی تو ملک کو طالبان اورالقاعدہ کے حوالے کردیاجائے، الطاف حسین

altaf-hussain2-640x330لندن: متحدہ قومی موومنٹ کے قائد الطاف حسین نے کہا ہے کہ حکومت اور ریاستی ادارے دہشتگردی ختم نہیں کرسکتے تو ملک کو طالبان اور القاعدہ کے حوالے کردیا جائے۔ لندن سے جاری بیان میں الطاف حسین نے کہا کہ ملک میں دہشتگردی روز کا معمول بن گئی ہے دہشتگر جہاں چاہتے ہیں کارروائی کرلیتے ہیں ایسے حالات میں محسوس ہوتا ہے کہ ملک کے تمام عسکری اداروں اور انٹلیجنس ایجنسیوں کی رٹ طالبان اور القاعدہ کے سامنے مکمل طور پر ختم ہوچکی ہے، انہوں نے کہا کہ اگر دہشت گردوں کے خلاف کارروائی نہیں کی جاسکتی تو ملک کو طالبان اور القاعدہ کے حوالے کردیا جائے۔ ایم کیو ایم کے قائد الطاف حسین کا کہنا تھا کہ ملک کی سلامتی اور استحکام کے لئے اقدامات پر ایم کیو ایم اور عوام فوج کے شانہ بشانہ کھڑی ہوگی۔ وہ دعا گو ہیں کہ اللہ تعالیٰ عید الفطر کی خوشیوں کے طفیل ملک میں امن قائم جبکہ ایماندار لوگوں کی حکمرانی قائم کرے۔

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>