Published On: Sat, Jun 29th, 2013

سونے کی فی تولہ قیمت 1000 روپے کمی کے بعد 46 ہزار550 کی سطح پر آ گئی

gold1کراچی: مقامی مارکیٹ میں سونے کی فی تولہ قیمت ایک ہزار روپے کمی کے بعد 46 ہزار550 روپے کی سطح پر آگئی ہے۔ عالمی مارکیٹ میں فی اونس سونے کی قیمت 1200 ڈالر کی سطح پر آگئی ہے جس کا اثر مقامی مارکیٹ پر بھی پڑا ہے، سندھ صرافہ ایسوسی ایشن کے مطابق مقامی مارکیٹ میں سونے کی فی تولہ قیمت ایک ہزار روپے کی کمی کے بعد 46 ہزار 550 روپے جبکہ 10 گرام سونے کی قیمت 857 روپے کمی کے بعد 39 ہزار 900روپے ہو گئی۔ سندھ صرافہ جیولرز ایسوسی ایشن کےصدر نے رایل نیوزسے بات کرتے ہوئے کہا کہ ڈالر کی بڑھتی ہوئی قدر کے باعث چین اور بھارت سمیت کئی دیگر ممالک میں حکومتی اور عوامی سطح پر سونا فروخت کرنے کا سلسلہ جاری ہے جس کی وجہ سے سونے کی قیمتوں میں کمی ہو رہی ہے۔ انہوں خدشہ ظاہر کیا کہ سونے کی قیمت عالمی مارکیٹ ميں 1100 ڈالر فی اونس تک آنے کا امکان ہے جس کے بعد مقامی مارکیٹ میں بھی فی تولہ سونے کی قیمت 42 ہزار روپے کی سطح پر آنے کا امکان ہے۔ واضح رہے کہ عالمی اور مقامی مارکیٹ میں سونے کی قیمت میں مسلسل کمی دیکھی جارہی ہے اور گزشتہ ایک ہفتے کے دوران سونے کی فی تولہ قیمت میں 7ہزار روپے سے زائد کی کمی ہوچکی ہے ۔ مقامی مارکیٹ میں گزشتہ ایک مہینے کے دوران سونے کی فی تولہ قیمت میں 7ہزار 200 روپے کی کمی ہوئی ہے۔

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>