Published On: Mon, Oct 12th, 2015

غزہ میں اسرائیلی فوج کے فضائی حملوں میں مزید 2 فلسطینی شہید

international news 139غزہ: اسرائیلی فوج کی فضائی کارروائی کے دوران مزید 2 فلسطینی شہید ہوگئے جس کے بعد رواں ماہ صیہونی کارروائیوں میں جام شہادت نوش کرنے والے فلسطینیوں کی تعداد 10 ہوگئی ہے۔
اسرائیلی طیاروں نے غزہ میں 2 الگ الگ مکانات کو نشانہ بنایا جس کے نتیجے میں 2 خواتین شہید جب کہ 3 زخمی ہوگئے۔ جس کے بعد رواں ماہ اسرائیل کی ننگی جارحیت کے نتیجے میں شہید فلسطینیوں کی تعداد 20 ہوگئی ہے جب کہ 170 سے زائد زخمی ہیں۔
فضائی حملے کے بعد اسرائیلی وزارت دفاع کی جانب سے جاری بیان میں کہا گیاہے کہ غزہ کے علاقے سے جنوبی اسرائیل میں راکٹ داغا گیا جس کے بعد جوابی کارروائی کی گئی۔ اسرائیلی طیاروں نے جن 2 اہداف کو نشانہ بنایا گیا ہے ان میں سے ایک ’حماس کا اسلحہ بنانے کا کارخانہ‘ ہے۔
اسرائیلی فوج کی تازہ جارحیت پر امریکی محکمۂ خارجہ کا کہنا ہے کہ وزیر خارجہ جان کیری نے اسرائیلی وزیراعظم بن یامین نتن یاہو اورفلسطینی اتھارٹی کے صدرمحمود عباس سے علیحدہ علیحدہ ٹیلی فون پربات کی ہے، جس میں انہوں نے پرتشدد واقعات پر’گہری تشویش‘ کا اظہار کیا ہے۔
فلسطینی اتھارٹی کے صدرمحمود عباس کے دفتر سے جاری ہونے والے بیان میں کہا گیا کہ محمود عباس نے جان کیری کو اسرائیلی فوج کی نگرانی میں یہودی آبادکاروں کی ’اشتعال انگیزی‘ سے متعلق آگاہ کیا۔
دوسری جانب اردن کی پارلیمنٹ نے بھی گزشتہ روز اپنے ایک بیان میں کہا ہے کہ اسرائیل فلسطینیوں کے ان کی اپنی زمینوں اور مقدس مقامات سے متعلق حقوق کو سلب کرتے ہوئے پوری دنیا کی آنکھوں کے سامنے ریاستی دہشت گردی کا مظاہرہ کر رہا ہے۔

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>