Published On: Mon, Jun 24th, 2013

کراچی، ہڑتال کے باعث تاجروں وصنعتکاروں کو اربوں کا نقصان

business-down-کراچی: کراچی سمیت سندھ کے کئی علاقوں میں متحدہ قومی موومنٹ کی اپیل پر شہر میں کاروباری مراکز انڈسٹری زونز پبلک ٹرانسپورٹس پٹرول پمپس اور سی این جی اسٹیشنز بند ہونے سے تاجروں اور صنعتکاروں کو اربوں روپے نقصان ہوا۔ کراچی کے چھ صنعتی زون جس میں سائیٹ کورنگی، لانڈھی، نارتھ کراچی، ایف بی ایریا اور سائیٹ سپر ہائے وے کی صنعتوں میں بھی ملازمین کی حاضری کم ہونے کی وجہ سے پیداوار نصف فیصد سے بھی کم رہی جس کی وجہ سے ناصرف ہزاروں صنعتوں کو پیداوار کی مد میں اربوں روپے کا نقصان اٹھانا پڑا بلکہ یومیہ اجرت والے مزدور بھی خالی ہاتھ رہے۔دوسری جانب کراچی بندرگاہ پر بھی کاروباری متاثر ہوا کسٹمز ایجنٹ ایسوسی ایشن کے صدر سیف اللہ خان کے مطابق ہڑتال کے سبب کام مکمل بند رہا جس کی وجہ سے یومیہ ہزاروں کینٹینرز کی کلیئرنز رک گئی جس سے برآمد اور درآمد کنندگان کو اربوں روپے کا نقصان اٹھانا پڑا ہے۔ کراچی ہول سیل ویجیٹیبل ایسوسی ایشن کے صدر شاہ جہاں نے کہا ہے کہ شہر کی موجود صورتحال کہ وجہ سے سبزی منڈی میں کاروبار بہت کم رہا ایک دن سے زائد نہ رہنے والے پھلوں اور سبزیوں کی مد میں کروڑ روپے کا نقصان اٹھانا پڑا ہے

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>